Paulo Dybala ka konfirmuar se fitimi i Ligës së Kampionëve është objektivi kryesor i Juventusit këtë sezon.
Juventusi përballet me Atletico Madrid në raundin 1/16-tës në Ligën e Kampionëve pasi kështu ka dashur shorti i hedhur para një muaji në Nyon.
Zonja e Vjetër ka arritur dy herë në finalen e madhe në vitet e fundit, por synojnë ta fitojë trofeun e Ligës së Kampionëve.
Kështu ka deklaruar edhe ylli argjentinas Dybala, i cili ka thënë se Juventusi e ka objektiv kryesor fitimin e trofeut.
"Liga e Kampionëve është objektivi kryesor për ne këtë sezon", ka thënë fillimisht Dybala për mediat italiane.
"Ne do të bëjmë gjithçka që mundemi për ta fituar atë".
"Atletico Madridi, së bashku me Liverpoolin, është skuadra më e vështirë që ne mund të kishim zgjedhur në short", përfundoi argjentinasi.
Ndryshe, Juventusi ndeshjen e parë do ta luajë në udhëtim te Atletico më 20 shkurt, ndërsa ajo e kthimit në Torino më 12 mars. /Telegrafi/