Drenica liron katër futbollistë

Kryesia e klubit të Drenicës ka vendosur ti lirojë katër futbollistë nga angazhimet e tyre me kuq e zinjtë.

Fjala është për Valmir Zariqi, Liridon Behrami, Arian Salihu dhe Granit Avdylit.

Ky i fundit kishte adresuar paraprakisht kërkesë për lirim pranë kryesisë së klubit dhe gjatë bashkëbisedimeve mes drejtuesve të klubit dhe futbollistit u vendos që me pëlqim të ndërsjellë të lirohet edhe Avdyli, njofton gazetasheshi.com.

Krahas largimeve drenicasit gjithashtu janë duke u angazhuar që të përforcohen në repartartet ku kanë nevojë dhe kështu së shpejti priten që të ketë konkretizim të marrëveshjeve me disa futbollistë me të cilët skuadra është në bisedime.