Dhjetëra të lënduar nga një shpërthim në Afganistan

Jawed Basharat, zëdhënës i policisë së kësaj krahine, tha se besimtarët po prisnin për shpërndarjen e ushqimit pasi kishin agjëruar gjithë ditën, kur bomba shpërtheu, në qytetin Puli Khumri.

Shefi i policisë Abdul Jabar Purdeli i tha agjencisë së lajmeve AFP se eksplozivët kanë qenë të vendosur brenda në kompleksin e xhamisë.

Asnjë grup nuk mori përgjegjësinë për këtë shpërthim. Në ndërkohë, dy shpërthime tjera ndodhën në Kabul. Askush nuk u lëndua.

Dhuna vjen një ditë pas shpërthimit vetëvrasës pranë një baze ushtarake amerikane, në juglindje të Afganistanit, shpërthim ky që la të vdekur 33 persona.