Chelsea është në kërkim të një portieri pasi Kepa Arrizabalaga nuk po e bind trajnerin Frank Lampard.
Anglezi ka kërkuar nga drejtuesit e klubit një portier për edicionin e ri pasi nuk llogarit në shërbimet e spanjollit.
Shumë emra janë përfolur për tu transferuar te Chelsea, nga Manuel Neuer tek Andre Onana, Gianluiggi Donnarumma, Marc Andre Ter Stegen apo Dean Henderson.
Por së fundmi Frank Lampard ka kërkuar nga drejtuesit e klubit transferimin e portierit anglez Nick Pope.
28-vjeçari ka qenë njëri nga portierët më të mirë këtë edicion në Angli, por problem mbetet çmimi i tij i lartë.
Skuadra që posedon kartonin e tij, Burnley e vlerëson jashtëzakonisht shumë anglezin dhe për ta lënë të lirë kërkon 50 milionë euro.
Mbetet të shihet nëse Chelsea do të paguajë një shumë të tillë për ta përforcuar portën, pozitë që ka qenë shumë e ndjeshme këtë edicion. /Telegrafi/