Bisedojnë për zbatimin e rendit dhe ligjit

Në Maqedoni është mbajtur takimi tre palësh mes zëvendësministrave për Punë të Brendshme të Maqedonisë, Agim Nuhiu, atij të Kosovës, Nehat Mustafa dhe të Shqipërisë, Stefan Çipa.

Qëllimi i takimit është bashkëpunimi në mes tre vendeve me qëllim të bashkërendimit të aktiviteteve për zbatimin e rendit dhe ligjit.

Është theksuar rëndësia e raporteve të mira fqinjësore dhe e bashkëpunimit në luftimin e krimit transnacional, shkëmbimi i informacioneve, në mënyrë që të bëhet luftë më efikase ndaj krimit të organizuar.

“Kriminelët nuk kanë përkatësi etnike as fetare, prandaj është shumë i rëndësishëm ky bashkëpunim mes të tri vendeve, që të arrijmë rezultate konkrete në zvogëlimin e mundësisë së krimineleve që të veprojnë lirshëm brenda territoreve tona”, tha Mustafa.

Rëndësinë e fqinjësisë dhe bashkëpunimit të mirë shprehën e dhe homologët e tij Nuhiu dhe Cipa.

Pas përfundimit të takimit, delegacioni tre palësh vizituan monumentet kulturo-historike, në Muzeun Arkeologjik të Maqedonisë.