Bilbao fiton Superkupën e Spanjës - Barcelona lëshoi trofeun nga dora

Athletic Bilbao e ka fituar Superkupën e Spanjës, pasi mposhti Barcelonën me rezultat 3-2 në një finale që shkoi në vazhdime.

Pjesa e parë kishte një ritëm mjaftë të lartë të lojës, me dy skuadrat që kërkuan të kalonin në eposin.

Por, ishte minuta e 40-të kur Barcelona kaloi në epërsi me golin e Antoine Griezmannit, por festa e tyre nuk zgjati shumë.

Pas vetëm dy minutash, De Marcos i barazoi shifrat në 1-1, duke përfituar nga një gabim i skuadrës katalunase.

Në 45 minutat e dytë, Barcelona ishte më e vendosur dhe kërkonte që të mbyllte çështjen e fituesit, mirëpo në fund u befasua.

Ishte minuta e 77-të kur përsëri Griezmann e riktheu epërsinë për Blaugranasit me një asistim nga Jordi Alba.

Por, katalunasit nuk arritën që të mbanin këtë epërsi deri në fund, pasi Bilbao shënoi në minutën e 90-të me anë të Asier Villalibre, për të çuar ndeshjen në vazhdime.

Aty, Baskët u treguan më kërkues dhe arritën që të përmbysnin rezultatin me anë të Inaki William (94' të vazhdimeve) me një asistim brilant nga Iker Muniani, për të fituar kështu Superkupën e Spanjës, me Lionel Messin që u ndëshkua me karton të kuq (120+1'). /Telegrafi/

https://twitter.com/noob_fcb/status/1350923618423877634

https://twitter.com/Nii_Champion1/status/1350907241193476098

https://twitter.com/Nii_Champion1/status/1350920560327487488