Bashkimi fitore bindëse ndaj të rinjve të Kersan Prishtinës

Bashkimi ka shënuar fitore në kuadër të xhiros së njëzet të Ip Superligës së Kosovës në basketboll.

Prizrenasit kanë triumfuar si mysafirë të skuadrës Kerasan Prishtinës me rezultat 106-56

Për asnjë minutë portokallezinjtë nuk treguan dobësi kundrejt basketbollistëve të rinj të skuadrës prishtinase.

Në pjesën e parë, mysafirët krijuan epërsi prej njëzet pikëve, ku rezultati në semafor tregonte shifrat 44:24.

Edhe në pjesën e dytë, të besuarit e zëvendës trajnerit Ilmen Bajrës shfaqen lojë të bukur dhe në shënuan fitore me rezultat të thellë prej 106-56.

Basketbollisti më efikas tek Arpagjik't ishte Vincent Zollo me 22 pikë ndërsa te prishtinasit u dallua Haliti me dhjetë.

Pas kësaj, Bashkimi mbetet në pozitën e dytë të renditjes tabelore me 35 pikë ndërsa Kerasani renditet e fundit me 24 sosh. /Telegrafi/