Nicolo Barella ka thënë se ai është i gatshëm të vdes për Antonio Conte dhe jo vetëm që të luajë për të.
Interi dhe Juventusi do të përballen në kuadër të javës së shtatë në Serie A nga ora 20:45 në Giuseppe Meazza.
Mesfushori italian ka thënë se lojtarët e Nerazzurëve janë të gatshëm të japin gjithçka nga vetja kur është në pyetje Conte.
“Conte ka një mënyrë të fjalimit që flet me ne dhe unë do jem i gatshëm të vdes për të”, ka thënë Barella para ndeshjes me Zonjën e Vjetër.
“Kjo nuk vlen vetëm për mua, por për të gjithë lojtarët e skuadrës. A e shikoni vrapimin tonë që e bëjmë në fushë”.
“Nuk është vetëm ajo që ne stërvitemi, por është edhe mesazhi i trajnerit që e ngulitim në kokën tonë”, ka shtuar më tej mesfushori italian.
Interi aktualisht është lider në ligën italiane me 18 pikë, derisa torinezët kanë dy pikë më pak në të dytin. /Telegrafi/