26/06/2021
Barcelona është duke tentuar që të transferojë Marcos Alonson nga Chelsea në këtë verë.
Skuadra katalunase ka vite që interesohet për spanjollin, mirëpo pa ndonjë lëvizje konkrete.
Alonso e ka humbur vendin e titullarit te Chelsea me ardhjen e Ben Chilwell dhe tani mund të kërkojë një aventurë të re.
Kështu, sipas asaj që raporton Mundo Deportivo, Barcelona po tenton transferimin e mbrojtësit të krahut në këtë verë.
Por, Blaugranasit janë në dijeni se nuk do të jetë e lehtë të transferojnë lojtarin, pasi edhe Interi i do shërbimet e tij.
Kështu, Chelsea është e gatshme që të shesë lojtarin, mirëpo kërkon mbi 30 milionë euro. /Telegrafi/