Bakteri përgjegjës për sëmundjen Crohn?

Rezultatet e publikuara nga Proceedings of the National Academy of Sciences, thonë se mungesa e baktereve të llojit Faecalibacterium prausnitzii është shkaktar i stimulimit të tepërt të përbërjes imunologjike, që çon deri tek ky çrregullim inflamator i traktit gastro-intestinal.

Ky lloj i baktereve prodhon substanca biokimike të cilat zvogëlojnë inflamacionin, prandaj mungesa e tyre nxit qelizat imune përgjegjëse për inflamacion, si pasojë e të cilave zhvillohet morbus Crohn.

Në të ardhmen planifikohet të bëhen teste te kafshët eksperimentale për të treguar nëse është e mundur që me trajtim probiotik, i cili do të përfshijë edhe bakterin Faecalibacterium prausnitzii, t’u ndihmohet personave me këtë sëmundje.