Ivan Perisic pritet të largohet nga Interi në javën e fundit të afatit kalimtar të janarit.
Sulmuesi anësor nuk është duke u pëlqyer nga trajneri i Interit, Luciano Spalletti që i ka dhënë leje të largohet.
Kroati karrierën mund të vazhdoj në elitën e futbollit anglez, Ligën Premier.
Është skuadra e Arsenalit që zyrtarisht ka kërkuar nga Interi transferimin e lojtarit.
Mediat italiane kanë publikuar lajmin se tanimë në zyrat e klubit zi kaltër ka mbërritur oferta zyrtare nga Topçinjtë.
Arsenal ka kërkuar huazimin e Perisicit deri në fund të stinorit me mundësi blerje për 40 milionë euro.
Ende nuk ka një përgjigje zyrtare nga Neroazzurrët që janë të interesuar ta shesin menjëherë futbollistin kroat.
Në garë për të nënshkruar me Perisic mbetet edhe Manchester United dhe Atletico Madrid. /Telegrafi/