Argjentina koncert në Londër për Vitin e Ri
29/12/2011
Këngëtarja kosovare këto ditë është duke qëndruar në Holandë me familjen e saj, ku edhe do ta kalojë natën e ndërrimit të viteve.
Megjithatë ajo mbase mund të mos e shijojë festën duke bërë qejf gjithë natën, pasi duhet të jetë e pushuar për të nesërmen, 1 janar, kur do të fluturojë drejt kryeqytetit britanik për të performuar në një koncert atje.
Viti që po e lëmë pas ishte i suksesshëm për Argjentinën, me disa këngë dhe videoklipe të reja. Ajo është zotuar se do të sjellë shumë projekte të reja edhe gjatë vitit 2012, por duke mos i lënë anash studimet. /Telegrafi/