Anxhela Martini në Tiranë për ndeshjen e kombëtares
07/06/2013
Shqipëria do të përballet me Norvegjinë në ndeshjen ëq mund të vendosë fatin e kombëtares tonë në luftën për kualifikim në Botërorin 2014 dhe Anxhela Martini do të jetë në tribunat e stadiumit për të shikuar sfidën.
Krahas saj do të jenë edhe personalitete të shquara të jetës politike dhe kulturore të Shqipërisë, duke përfshirë dhe kryeministrin Sali Berisha.
Anxhela Martini dhe Sali Berisha madje ishin në një mbrëmje gala të të rinjve të Tiranës, të organizuar në një nga pubet e kryeqytetit shqiptar.
Nga atje Berisha dhe Marini përcollën mesazhe inkurajuese për ekipin kombëtar, që ata të triumfojnë sonte mbrëma në sfidën që fillon nga ora 20:30. /Telegrafi/