Ankohet Peja, kërkon drejtësi
25/05/2015
“Verdhezinjtë” e kanë shfrytëzuar të drejtën dhe kanë paraqitur ankesë sipas afatit ligjor, në adresë të Federatës së Basketbollit të Kosovës (FBK), lidhur me vendimin e Komisionit Disiplinor, të marrë më 21 maj, shkruan Zëri.
Ankesën e klubit pejan do ta shqyrtojë Komisioni i Arbitrazhit pranë FBK-së, i cili do ta marrë vendimin përfundimtar. Pejanët i kanë falënderuar të gjithë ata që e kanë mbështetur këtë klub dhe për interesimin e shfaqur ditëve të fundit.
Peja nuk u paraqit fare në parket në pjesën e dytë të ndeshjes së tretë të “Play-Offit” ndaj Sigal Prishtinës dhe kjo i kushtoi shtrenjtë, me humbje të titullit dhe largim nga Superliga. /Telegrafi/