Një grua nga Michigani, e cila dyqani i saj lokal kishte shitur të gjitha biletat e lotarisë që ajo donte të blinte, ishte e detyruar të zgjidhte një tjetër mundësi – dhe fitoi një çmim prej 1 milion dollarësh.
Banorja e Qarkut Kent u tha zyrtarëve të Llotarisë së Miçiganit se kishte vizituar një dyqan lokal me një biletë specifike në mendje, por kur arriti, gjeti që loja ishte shitur.
“Dyqani nuk kishte lojën që doja të blija, prandaj vendosa të provoja fatin tim me lojën Wild Cherry. I fshiva kodin e barkodit dhe skanova biletën. Kur lexova mesazhin që duhej të dërgoja një kërkesë, mendoja se kisha fituar 10 mijë dollarë”, kujtoi ajo.
Gruaja tha se ndihmësja e dyqanit e ndihmoi ta kuptonte që çmimi i saj ishte shumë më i madh.
“Ja ktheva biletën ndihmëses dhe e lashë ta kontrollonte. Ajo më ndihmoi të fshija pjesën tjetër, dhe kur pa që kisha fituar 1 milion dollarë, ajo bërtiti: ‘Ajo sapo fitoi 1 milion dollarë!'”, shtoi ajo.
Fituesja tha se paratë e çmimit do të shkojnë për të blerë një shtëpi të re dhe për të rritur kursimet e saj.
“Të mos e dish kur mund të gjesh një biletë fituese është pjesë e asaj që e bën lojën e menjëhershme kaq argëtuese”, tha Komisionerja e Llotarisë Suzanna Shkreli dhe shtoi se “fitorja e 1 milion dollarëve, veçanërisht në një lojë që po luan për herë të parë, është një mënyrë jashtëzakonisht emocionuese për të fituar!”. /Telegrafi/