Ambasadori gjerman Jorn Rohde ka njoftuar se do të mbyll llogarinë e tij në “X”.
Rohde përmes një video ka treguar arsyet se përse ka marrë këtë vendim.
“Kam vendosur të shkëputem nga X apo Twitter, siç ishte dikur i njohur për të mirë. Për mua X është degjeneruar në atë shkallë saqë është përmbytur në gjuhë të urrejtjes, dezinformatave dhe teorive konspirative”, ka thënë Rohde në adresimin e tij.
Watch my video and learn why I have decided to leave X. pic.twitter.com/TM2HcjI7ep
— Ambassador Jörn Rohde (@GermanAmbKOS) February 13, 2025
Ambasadori gjerman ka shtuar tutje se shumë postime synojnë të minojnë institucionet demokratike dhe shtyhen nga algoritme ku shkëmbimi apo debati i duhur nuk është më i mundur.
“E shoh këtë çdo ditë në profilin tim dhe kam mbaruar me këtë mbingarkesë. Dhe e gjithë kjo po ndodh nën flamurin e rremë të fjalës së lirë. Vazhdoni të bashkoheni me mua dhe qëndroni të lidhur në Bluesky”, ka deklaruar Rohde. /Telegrafi/
Watch my video and learn why I have decided to leave X!
— Ambassador Jörn Rohde (@pristina.diplo.de) 13 February 2025 at 08:53