Dani Alves thotë se ai iu bashkua Juventusit për të fituar Ligën e Kampionëve, pasi beson se bardhezinjtë kanë atë që duhet të kenë për të pasur sukses në këtë front.
Mbrojtësi brazilian ka përvojë të gjerë në fitimin e trofeut më të madh në Evropë për klube.
Kjo pasi, me Barcelonën ka fituar plot tri herë këtë trofe, teksa mendon që me transferimin e tij tek Juve dëshiron trofeun e katërt.
“Ne mund të fitojmë Ligën e Kampionëve. Unë kam ardhur në Juventus për të ndihmuar ekipin të arrij këtë objektiv”, tha Alves për Sky Sport Italia, transmeton Telegrafi.
“Por, ne duhet të përmirësohemi në disa aspekte, sepse Liga e Kampionëve është një garë që mbulon çdo aspekt të vetëm dhe detajet gjithashtu. Ne e dimë se çfarë ne duhet të bëjmë në fushë”, përfundoi braziliani. /Telegrafi/