Një video mahnitëse kapi një aligator gjigant që po kalonte nëpër një lagje ku jetojnë banorë të pasur në Florida.
Meteorologu i WINK, Matt Devitt publikoi pamjet në rrjete sociale të aligatorit duke ecur përgjatë rrugës në Forest Glen Golf & Country Club në Napoli.
“Dios mio”, dëgjohet një grua duke thënë në spanjisht – që do të thotë “Zoti im!”.
“A është vërtet këtu? Është gjigant!”, një grua tjetër bërtet për zvarranikun dhjetë metra të gjatë që e ktheu lagjen në një skenë “Jurassic Park”.
Udhëtari me luspa, i cili me sa duket arriti nga një lumë aty pranë, tërhoqi gjithë vëmendjen me hapa të shpejtë, teksa kaloi nëpër lëndinat e zbukuruara.
Ndryshe, Florida është shtëpia e rreth 1.3 milion aligatorëve, të cilët mund të gjenden në të 67 qarqet e shtetit. /Telegrafi/
