Një aksident i rëndë ka ndodhur mbrëmjen e së mërkurës në kryeqytet, ku një ambulancë është përplasur me një automjet në zonën e Laprakës.
Përplasja ka qenë mjaft e fuqishme, duke bërë që ambulanca të rrokulliset në mes të rrugës.
Nuk ka konfirmim për numrin e të lënduarve si pasojë e aksidentit, ndërsa ekipet e shpëtimit dhe policisë kanë shkuar menjëherë në vendngjarje për të ofruar ndihmën e nevojshme dhe për të hetuar shkaqet e aksidentit.
Autoritetet po zhvillojnë hetime për të përcaktuar rrethanat që çuan në këtë përplasje të fortë.