Futbollisti i Barcelonës, Lamine Yamal ka shprehur admirimin e tij për Neymar Junior. Ylli i ri i Barcelonës ka vlerësuar yllin brazilian, duke theksuar se lojtari i Al-Hilal është idhulli i tij i futbollit.
Edhe pse Yamal krahasohet me Messin, Neymar është ende i veçantë për të.
“Isha pesë vjeç kur e pashë për herë të parë në Santos dhe shtatë vjeç kur e takova personalisht në Camp Nou”, kujton Yamal në një intervistë për CNN.
“Ishte e pabesueshme ta shihja atë duke luajtur. Po, është e vërtetë që Messi ishte gjithashtu aty, dhe ai gjithashtu ishte i pabesueshëm, por Neymar është diçka krejtësisht ndryshe. Neymar ka qenë gjithmonë idhulli im. Ai është një yll, një legjendë futbolli”.
Buteur en demi-finales de Supercoupe d’Espagne, l’attaquant du Barça Lamine Yamal a rappelé toute son admiration pour Neymar https://t.co/GQHWBSctiS pic.twitter.com/565wtmiA72
— L’ÉQUIPE (@lequipe) January 9, 2025
18-vjeçari spanjoll është nën kontratë me Barçën deri në mesin e vitit 2026 dhe i pyetur për një zgjatje të mundshme të kontratës me klubin spanjoll, ai pohoi diçka të tillë.
“Nuk e di se kur do të nënshkruhet kontrata, por mendoj se do të jetë së shpejti. Në fund të fundit, Barcelona është klubi i jetës sime. Shpresoj të rinovoj kontratën time me ta dhe të qëndroj sa më gjatë”, përfundoi sulmuesi.
Yamal ka luajtur 22 ndeshje këtë sezon me fanellën e Barcelonës, ku ka shënuar shtatë gola me 12 asistime. /Telegrafi/