AGK kërkon nga organet e sigurisë që të nisin hetimet ndaj linçimit të Dafina Demakut

Asociacioni i Gazetarëve të Kosovës ka reaguar duke dënuar ashpër fushatën kundër kryeredaktorës Dafina Demaku, që e cenon direkt sigurinë e saj dhe të afërmëve të saj.

Njëherësh, AGK-ja fton organet e sigurisë të hetojnë postimet dhe të ndërmarrin masa për të zbuluar kush qëndron prapa fushatës.

Dafina Demaku - kryeredaktore në portalin online Periskopi, dhe analiste e rregullt në televizionin kombëtar, KTV, e ka njoftuar AGK-në për një fushatë denigruese dhe linçuese ndaj saj që po zhvillohet në rrjete sociale, kryesisht në TikTok.

Në disa video, Demaku përshkruhet si “gazetare pro-serbe” dhe “e dyshuar për agjente të BIA-s serbe”.