Sulmuesi anësor spanjoll, Adama Traore është i kënaqur me mënyrën se si është pritur nga Barcelona.
Ish-lojtari i dalë nga akademia e njohur La Masia iu bashkua Barçës javën e kaluar si huazim nga Wolves.
Rikthimi i tij në Camp Nou pas shtatë vitesh u prit me entuziazëm të madh dhe tashmë Traore ka folur për ambientimin.
Troare ka treguar se është pritur mirë nga bashkëlojtarët e në veçanti nga tre bashkëkombës të tij.
“Jordi Alba, Sergio Busquets dhe Ansu Fati më thanë se ishin të lumtur që u ktheva”, ka thënë fillimisht Traore.
“Ne stërviteshim në Miniestadi dhe ishte e vështirë të kishe kontakt me ekipin e parë. Ishte mahnitëse t’i shihje herë pas here”.
“Tani jemi të gjithë në Ciutat Esportiva dhe është më e lehtë”, përfundoi sulmuesi këmbëshpejtë. /Telegrafi/
𝑇ℎ𝑒 𝑑𝑒𝑏𝑢𝑡𝑎𝑛𝑡𝑠 🙌 pic.twitter.com/2QdK1ELwuJ
— FC Barcelona (@FCBarcelona) February 7, 2022