Më 5 maj nuk do të luhet futboll në Francë, pasi sot Parlamenti Francez miratoi përfundimisht, me një votim të Senatit, një projekt -ligj që parashikon që asnjë ndeshje profesionale e futbollit nuk do të luhet në Francë në këtë datë.
Kjo do të bëhet në nderim të viktimave të katastrofës në stadiumin Furiani në Korsikë, ku vdiqën 19 persona e që kishte ndodhur më 5 maj të vitit 1992.
Senati miratoi pa asnjë ndryshim tekstin e projekt-ligjit të sjellë aty nga deputeti Michel Castellani, i cili më herët kishte marrë edhe miratimin e vendimit nga Asambleja Kombëtare.
Çfarë ndodhi më 5 maj 1992?
“Tragjedia Furiani” është një ngjarje mjaft e rëndë në futboll, e ndodhur pikërisht më 5 maj të vitit 1992 në Furiani, një lokalitet pranë Bastias në Korsikë.
𝐋𝐞 𝐏𝐚𝐫𝐥𝐞𝐦𝐞𝐧𝐭 𝐚 𝐯𝐨𝐭𝐞́.
Drame de Furiani : plus aucun match de football professionnel ne sera joué le 5 mai 🙏 pic.twitter.com/4BOK1lFz2j
— CANAL+ Foot (@CanalplusFoot) October 14, 2021
Në stadiumin “Armand Cesari” duhej të luhej gjysmëfinalja e Kupës së Francës mes Bastias dhe Marseille, ndërsa klubi vendas kërkoi rritjen me 50% të kapacitetit të stadiumit, pasi po përballej me skuadrën më të fortë të kohës në Francë.
Autoritetet lokale miratuan këtë dëshirë, duke ndërtuar një tribunë provizore me kapacitet prej 10 mijë vendesh, e cila u shemb para ndeshjes, duke shkaktuar vdekjen e 19 personave dhe plagosjen e mbi 2 mijë të tjerëve.
Më pas Federata Franceze e Futbollit vendosi që ndeshja të mos luhej më asnjëherë dhe madje të anulohej ai edicion i Kupës së Francës, ndonëse më herët Monaco kishte siguruar një biletë për në finale. /Telegrafi/