Poezi nga: Bob Kaufman
Përktheu: Fadil Bajraj
Është koha e iluzionit dhe realitetit,
Rusia qëllimisht krijon iluzionin se dëshiron paqe,
Derisa përgatitet ethshëm për luftë.
Slloganet e përdorura nga komunistët bazohen në dëshirën për paqe,
Ata janë iluzorë, sepse dëshirojnë një atmosphere lufte.
OKB-ja dëshiron paqe, ama duhet të jetë e kujdesshme
Të mos komprometojë veten duke këmbëngulur për paqen
Me çdo kusht. Perëndimi nuk mund të jetë i qetë, sepse Rusia
Mezi pret të futet në luftë, derisa Rusia nuk mund të rrezikojë të ketë një
Gjermani të bashkuar. Të gjitha kontradiktat e situates rrisin
Rreziqet e luftës.
Shiu i Lashtë po bie. Po bie në takimet N.A.T.O.-s,
Po bie në Sheshin e Kuq. A do të ketë luftë apo paqe?
Shiu i Lashtë e di, ama nuk e thotë.
Unë i bëj spekulimet e mia, ama nuk i diskutoj ato
Sepse Shiu i Lashtë po bie.
Shiu i Lashtë po bie në të gjithë Amerikën tash.
Muzika e Shiut të Lashtë dëgjohet gjithkund.