Mjeshtëria e shitjes (8): Ku po shkon tregtia online?

Vitet e fundit diskutohet shumë për shitblerjet online: p.sh. si u hap amazon.com, ebay.com, Aliexpres.com, smardonline.com e tani edhe gjirafa50.com?

Për sa kohë do të jetë aktuale tema e shitblerjeve online (e-commerce)?

Kjo temë do të jetë interesante dhe aktuale edhe për 5-10 vite.

E, çka do të ndodh pastaj?

Do të avancohet çdo ditë e më shumë kjo mënyrë e shitblerjes dhe do të jetë pjesë e zakonshme dhe e pandashme jetës tonë (siç është rryma elektrike). Madje, do të jetë e pamundur të mendohet jeta pa të (në artikullin paraprak e kemi parë përmes statistikave se si ky trend nuk ka të ndalur).

Nuk mjafton veç ta hapim një shitore digjitale e të vendosim aty një sasi të produkteve. Numri i konsumatorëve rritet bashkë me kërkesat e tyre – jo vetëm për atë se çfarë duan të blejnë, por gjithashtu edhe nga përvoja e tyre dhe nga kënaqësia e kërkimit të produkteve. Gjithashtu, këtu hyn edhe shërbimi ndaj klientit, i cili duhet të ofrohet gjatë gjithë kohës: para, përgjatë dhe pas porosisë.

Deri në fund të vitit 2018, në online pritet të ketë shitje në vlerë të 490 miliardë dollarëve vetëm në SHBA.

Nëse duam të ndërtojmë një brand online, në botën e e-commercit duhet t’i përcjellim dhe t’i zbatojmë disa trendë. Sepse, çdo ditë e më shumë kompanitë e prezantojnë përmbajtjen e re, unike dhe imponuese, për të tërhequr vëmendjen e konsumatorit. Kjo ndihmon në angazhim dhe ndërton një lidhje emocionale me brendin, në përputhje me trendët që janë si në vijim:

PËRSHTATSHMËRIA: PËRVOJA DINAMIKE E BLERJES ONLINE QË DO T’I PËRSHTATET BLERËSIT NË KOHË REALE

Secili blerës do ta ketë një qasje në përmbajtje: në bazë të rekomandimeve të përzgjedhura sipas preferencave, lokacionit gjeografik, trendëve të tregut, grupit demografik, porosive të kaluara dhe interakisonit me brende. Do të ketë rekomandime të moderuara, sipas shijes së blerësit, duke u bazuar nga blerjet e mëparshme të blerësit, të produkteve të pëlqyera apo të shikuara. Kjo do të jetë sikur të hysh në një shitore reale ku shitësi e di emrin dhe e di se çfarë juve ju pëlqen.

Prodhuesi i njohur i francez i kozmetikës, L’Oreal, ka dizajnuar një aplikacion për telefonat e zgjuare me pesë vegla – për diagnostifikim, për kujdesin për lëkurën, kozmetikën, kujdesin ndaj flokëve dhe për ngjyra të flokëve. Kjo është mundësi e mirë për konsumatoret që të luajnë me pamje të ndryshme, duke provuar stile të ndryshme. Vajzat njëkohësisht kënaqen duke krijuar lidhjen unike me kompaninë. Aty janë përshtatur edhe kuponët me zbritje, mënyrë kjo e mirë e komunikimit që ka ndikim të madh në vendimin për të porositur produktin.

TË DHËNAT SI SHËRBIM DHE TREGTI ONLINE: COPËZA PAFUND PËR PËRSHTATSHMËRINË E PËRKRYER

Njerëzit zakonisht blejnë duke u bazuar te leximi i referencave dhe komenteve të blerësve. Sa më shumë që ka informata të produktit – fotografi, përshtypje, përshkrime, specifika etj. – aq me shumë blerës (fillimisht të pavendosur) do të blejnë online. Në vitin 2017, shumë shitore online do të nisin të punojnë me agregatorët e të dhënave të cilat i mbledhin nga miliona produkte, përshkrime, krahasime të çmimeve, specifikave, kodeve, komenteve etj. Tregtari do të jetë në gjendje të lidh krejt të dhënat nga databaza dhe automatikisht t’i përditësojë informatat për produktin. Kështu mund t’i jepet lamtumira pasigurisë dhe mungesës së informacioneve rreth produktit .

PËRSHËNDETJE, TI INTELIGJENCË ARTIFICIALE

Konsumatori do të ketë bashkëveprim me inteligjencën artificiale dhe do ta dojë atë. Nëpërmjet kësaj teknologjie do të bëhet kërkimi automatik i produkteve me anë të zërit. “Chatbot” do të jenë vend i zakonshëm i automatizuar, të cilin do ta praktikojnë shumë platforma.

Kompanitë e mëdha botërore kanë zhvilluar “chatbot” për komunikim artificial me njerëz: Windows ka krijuar Cortana-n, Apple ka krijuar Siri-n, Google ka krijuar Google Now-in, Amazon ka krijuar Alexa-n etj.

Gjatë viteve në vijim, shumë konsumatorë do të kenë bashkëveprim me “chatbot”-in, me një agjent-robot të automatizuar kundrejt pyetjeve, i cili do të veprojë si kontakt i parë me brendin. Kjo do të ndikojë në ngritje të shitjeve prej 5-30 për qind.

Kompanit H&M, Sephora dhe Victoria’s Secret, kanë prezantuat “chatbot”-ët në “Kik platform”-ën që po tregohet shumë e suksesshme. Në Burger King dhe Pizza Hut, konsumatorët mund të porosisin ushqim direkt nëpërmjet Facebook-ut, Messenger-it dhe Twitter-it, duke dërguar mesazhe në “chatbot”-in e zinxhirëve të restoranteve.

MIRUPAFSHIM KULETË: FILLIMI I FUNDIT TË KESHIT

Vitin e kaluar, Master Card – në partneritet me kompaninë BMO – kanë lansuar produktin “Selfie Pay”, shërbim i cili përdor identitetin biometrik të përdoruesit – portretin – për të identifikuar blerësin. Produkti është në përdorim për të verifikuar porosinë online dhe ka potencialin të vazhdojë me transaksionet pa kesh.

Kompania Visa Card, gjatë lojërave olimpike në Rio, e ka sponsorizuar pagesën me unazë në posterminal.

TREGTIA NË KOHË REALE NË HIPER-LOKACIONE

Kompania farmaceutike Walgreens, u mundëson përdoruesve me aplikacion mobil – duke skanuar shishen e medikamentit – ta mbajë në mend atë dhe që kur kalon pranë ndonjë shitoreje të caktuar, ta njoftojë se aty ka asi lloji të mendikamentit (ose kur kalon përskaj ndonjë dyqani, nëse ka ofertë për atë produkt). Këto avantazhe teknologjike po i shfrytëzojnë kompanitë për ta lehtësuar jetën e konsumatorit dhe për t’i rritur shitjet.

PARASHIKIMI I BLERJEVE TË ARDHSHME NGA KONSUMATORËT

Teknologjia për parashikim të porosive të ardhshme është e shpejt dhe po popullarizohet mes shitësve online. Duke pasë në dispozicion të dhënat e mbledhura gjatë bashkëveprimit me konsumatorin në profilin e tij, tregtarët përdorin analizat e parashikimit për të kuptuat më mirë shprehitë e porosive, preferencat, moshën, apo porositë e ardhshme në bazë të sjelljeve të konsumatorëve me profile të ngjashme.

SHITORET ONLINE DO TE OFROJNË DËRGESA BRENDA DITËS

Përderisa shitoret online do të vazhdojnë të rriten, konsumatorët do të pranojnë porosi brenda ditës ose në fund të orarit. Shumë prej shitoreve online, që operojnë në hapësira të vogla, do të kenë dhoma të provës së veshmbathjes dhe prekjes së tyre, për të pasur mundësinë që të ndjejnë produktin. Për ta arritur këtë qëllim, dërgesën brenda ditës, Walmart dhe Amazon janë duke e bërë negociata me kompanitë Uber dhe Lyft, që t’i hulumtojnë mundësinë e dërgesave brenda ditës .

BLERËSIT DUAN TË NDËRLIDHEN DIREKT ME BRENDIN

Duke pasë parasysh se njerëzit kanë preferencë të kenë lidhje direkte me brendin, përdoruesit kjo do t’i mundësohet. Kjo bëhet nëpërmjet proceseve të automatizuara me sisteme CRM, për të ruajtur marrëdhënien me konsumatorin dhe për të thjeshtësuar procesin e porosisë.

Ali Express B2C, pjesë e grupit Ali Baba, u mundëson prodhuesve të merren vesh direkt me blerësit e fundit, në mbarë botën, fal platformës së standardizuar e të përshtatur për këtë logjistikë.

MOBILE DHE VETËM MOBILE: TEJKALIM I PC-ve

Sipas statistikave të fundit, 150 herë në ditë bëjmë shfletim të internetit në telefona te zgjuar. Me këtë angazhim, mund ta imagjinoni se çka është e mundur të bëni në e-commerce. Shumë kompani po investojnë në platforma mobile për tregti elektronike .Qasja e mëhershme, ndaj versionit mobil, ka qenë përshtatja e versionit Desktop në atë mobil. Tani po punohet në eksperiencën direkte mobile, që të jetë sa më e përshtatshme dhe më e lehtë që të porositet produkti.

FOTOGRAFITË E MËDHA DHE VIDEOT PËR PRODUKTE

Shikimi i videove u ndihmon 90 për qind të vizitorëve të vendosin për porosinë. Në shitoret online janë duke punuar që të kenë banerë me foto të mëdha dhe sa me të “gjalla”. Produktet – përveç fotografive të shumta dhe tekstit për sqarim sa më të mirë të produkteve – do të kenë vend për video-prezantime (73 për qind e njerëzve porosisin pasi e shohin videon). Konsumatorët thonë se ata dëshirojnë të shohin se çka po marrin, funksionet e produktit, se si përdoret etj.

MARKETINGU NË ONLINE MEDIA DHE RRJETET SOCIALE

Fokusi i marketingut të shitoreve online do të jetë në portalet online dhe në rrjetet sociale, për shkak të mundësisë së targetimit më të lehtë (sipas moshës, interesave dhe preferencave të vizitorëve).

AUTOMATIZIMI I MARKETINGUT

Me rastin e regjistrimit tuaj në ueb-faqe, në shumicën e e-coomerce kompanive do të pajtoheni me kushtet dhe rregullat e përdorimit. Ata mund t’ju vërshojnë duke ju dërguar oferta për produktet e tyre, oferta këto që shpesh as nuk i hapni. Automatizimi i marketingut mund t’ju ndihmojë atyre kur keni sasi të madhe e-mailave, që nëpërmjet platformës Mailchimp të shpërndahen më mirë.

BASHKIMI I TREGTISË KLASIKE ME E-COMMERCE

Unifikimi i tregtisë nënkupton kalimin prej shitoreve fizike në shitore virtuale, duke e ndërtuar shitoren online apo duke u inkuadruar në shitore me infrastrukturë të madhe e të centralizuar (me prezencën e tyre online, ku rritja e shitjeve do të reflektohet çdo ditë e më tepër).

• Nëse keni ndonjë pyetje, mund të më kontaktoni në adresat e mëposhtme:
• Email: denis.gafuri@smardonline.com
• Twitter: @DenisGafuri
• LinkedIn: https://www.linkedin.com/in/denis-gafuri-1a174334
• Facebook: https://www.facebook.com/denis.gafuri