0Shares

Takimin e sotëm të presidentit Hashim Thaçi me përfaqësuesit e partive politike ku është diskutuar për caktimin e datës së zgjedhjeve të parakohshme, e ka bojkotuar Lidhja Demokratike e Kosovës (LDK).

Këshilltari i kryeministrit në largim, Bajram Gecaj, ka thënë për Telegrafin se arsyeja e bojkotimit të këtij takimi ka qenë sepse PDK-ja ka shkelë marrëveshjen e koalicionit dhe se LDK nuk e njeh Thaçin president.

Thaçi flet pas takimit me partitë politike: 11 ose 18 qershori do të jetë data e zgjedhjeve Thaçi flet pas takimit me partitë politike: 11 ose 18 qershori do të jetë data e zgjedhjeve

“Arsyeja është ajo që e kemi thënë edhe dje përmes një komunikate, LDK nuk e njeh Thaçin president të vendit”, ka thënë Gecaj.

Ai ka shtuar se PDK-ja ka shkelur çdo pikë të marrëveshjes tashmë të ish-koalicionit PDK-LDK.

LDK injoron takimin me Thaçin LDK injoron takimin me Thaçin

Pas votimit të mocionit të mosbesimit për rrëzimin e Qeverisë, gjatë ditës së djeshme LDK përmes një komunikatë dërguar mediave ka thënë se marrëveshja e koalicionit mes saj dhe Partisë Demokratike të Kosovës “bie në tërësi dhe LDK-ja nuk e njeh asnjë pikë të saj dhe asnjë rezultat politik të saj”.

“Kësisoj, nga sot, LDK nuk e njeh Hashim Thaçin President, zgjedhja e të cilit si i pari i vendit ishte rezultat i një marrëveshjeje mes PDK-së e LDK-së”, është thënë në komunikatë.

Ndërsa sot shumica e partive politike kanë propozuar 11 qershorin si datë të duhur për mbajtjen e zgjedhjeve të parakohshme./Telegrafi/

Të Ngjajshme
Shfaq Komentet (0)