Këngëtarja braziliane, Loalwa Braz Vieira, interpretuese e hitit me famë botërore “La Lambada”, është gjetur sot e karbonizuar në veturën e saj në Saquerema, në bregdetin e rajonit të Rio de Zhaneiros, sipas burimesh policore.
“Po, e konfirmoj këtë”, ka deklaruar një polic i komisariatit lokal, por pa dhënë më shumë detaje.
Sipas medias braziliane, trupi i këngëtares është gjetur i karbonizuar në brendësi të automjetit të saj, jo shumë larg vendit ku banonte.
