Cristiano Ronaldo është zgjedhur fitues i ‘Topit të Artë’.
Sulmuesi portugez i Real Madridit ka fituar për herë të katërt çmimin më prestigjioz individual ‘Topin e Artë’, duke lënë pas vete emra të mëdha të futbollit evropian, si Michel Platini, Johan Cruyff dhe Marco Van Basten dhe Franz Beckenbauer, përcjell Telegrafi.
Cuyff ka fituar tri herë ‘Topin e Artë’ dhe një herë ka përfunduar i dyti. Sulmuesi pati influencë të madhe te Ajaxi, që fituar tri herë radhazi Kupën Evropiane, dhe te kualifikimi në finale i Holandës në vitin 1974, duke impresionuar me fanellën e ‘tulipanëve’ me 33 gola në 48 paraqitje, ndërsa në gjithë karrierën kishte statistika të çmendura me 369 gola nga 661 ndeshje, duke bërë që të konsiderohet nga shumë njerëz si futbollisti më i madh evropian ndonjëherë.
Edhe sulmuesi francez, Platini, ka arritur të fitoj tri herë ‘Topin e Artë’ dhe dy herë të përfundoj i dyti. Platini ka udhëhequr kombëtaren e Francës në dy gjysmëfinale të Kupës së Botës në vitin 1982 dhe 1986, teksa ka fituar Kampionatin Evropian në vitin 1984, me 41 gola nga 72 ndeshje për ‘Les Blues’. Ai fitoi Kupën Evropiane dhe Kupën e Kupave Evropiane me një numër të madh titujsh ekipor, duke shënuar 312 gola në karrierë me klube, shkruan Telegrafi.
Van Basten pati një karrierë të shkurt nga lëndimet dhe luajti ndeshjen e fundit me Milanin në moshës 28-vjeçare. Megjithatë, ai ka impresionuar me 277 gola në 373 ndeshje për Ajaxin dhe Rossonerët, duke bërë që të kujtohet me nostalgji nga tifozët e futbollit, veçanërisht për golin me volej në finalen e Kampionatit Evropian të vitin 1988, titull ky i pari dhe i vetmi në nivelin ndërkombëtar.
Por, pas këtyre tre legjendave të futbollit evropian sigurisht që vend duhet të ketë edhe për gjermanin Beckenbauer, i cili gjithmonë ka dhuruar ndeshje të mëdha. Ai ka fituar dy herë ‘Topin e Artë’, duke përfunduar edhe dy herë në vendin e dytë e një herë në të tretin. Gjermani ka fituar tri herë Kupën Evropiane dhe ka një numër të konsiderueshëm titujsh në nivel klubesh me Bayern Munich. /Telegrafi/
