Kanë mbetur edhe dhjetë ditë nga mbyllja e afatit kalimtar në Ligën Premier, derisa klubet po tentojnë që t’i realizojnë marrëveshjet e fundit.
Sportsmail ka bërë një listë me dhjetë transferimet që mund të realizohen në këto ditë, ndërsa më 9 gusht mbyllet afati në Angli.
Nicolas Pepe – Arsenal
Skuadra londineze po e kërkon me ngulm transferimin e sulmuesit të Lilles, mirëpo marrëveshja ende nuk është arritur. Sipas mediave angleze Gunner janë afër kompletimit të transferimit, gjersa kanë oferuar 80 milionë euro për shërbimet e Pepes.
Shanset e transferimit: 4/5
Wilfried Zaha – Everton
Sulmuesi afrikan dëshiron të largohet nga Crystal Palace në këtë afat, derisa Evertoni po këmbëngul që ta transferojë atë në këtë afat. ‘The Eagles’ po kërkojnë 89 milionë euro nga shitja e anësorit, mirëpo Toffess nuk ofrojnë më shumë se 70 milionë
Shanset e transferimit: 3/5
Harry Maguire – Manchester United
Në javën e kaluar u raportua nga mediat në Angli se Djajtë e Kuq kanë arritur marrëveshje me Leiceterin për transferimin e mbrojtësit anglez për 80 milionë euro. Maguire thueht se e dëshiron kalimin në Old Trafford, e që në këtë javë mund të kompletohet marrëveshja.
Shanset e transferimit: 4/5
Ryan Sessegnon – Tottenham Hotspur
Fulahmi është i gatshëm që ta shesë në këtë afat Sessegnon, por kërkon 30 milionë euro për shërbimet e lojtarit. Tottenham ka ofruar 15 milionë euro dhe bonuset, derisa marrëveshja mund të arrihet në shumën e 25 milionë eurove.
Shanset e transferimit: 4/5
Kieran Tierney – Arsenal
Skuadra londineze ka disa muaj që po e kërkon transferimin e mbrojtësit të majtë, por Celticu po kërkon një shumë të lartë. Sipas mediave angleze, Tierney e do kalimin në Emirates, gjersa ende nuk është arritur marrëvehsja në mes të dyja klubeve.
Shanset e transferimit: 4.5/5
Bruno Fernandes – Manchester United
United ka kohë që tenton ta transferojë mesfushorin portugez që shkëlqeu në sezonin e kaluar te Sporting Lisbona. Skuadra portugeze po kërkon 80 milionë euro nga shitja e mesfushorit, por oferta e Djajve të Kuq nuk kalon më shumë se 70 milionë.
Shanset e transferimit: 4/5
Romelu Lukaku – Inter/Juventus
Largimi i tij është çështje kohës. Manchester United po i kërkon 89 milionë euro nga shitja e sulmuesit belg, derisa Juventusi dhe Interi po tentojnë që ta mbyllin marrëveshje me shkëmbimin e Paulo Dybalas, respektivisht Mauro Icardit.
Shanset e transferimit: 5/5
Paul Pogba – Real Madrid
Paul Pogba ka bërë të ditur se e dëshiron një aventurë të re, me Zinedine Zidanen që po i kërkon shërbimet e tij nga Los Blancos. United nuk heq dorë aq lehtë nga francezi, pasi kërkon 150 milionë euro nga shitja e tij.
Shanset e transferimit: 2/5
Leroy Sane – Bayern Munich
Bayern Munich insiston në transferimin e anësorit gjerman, por Manchester City kërkon 100 milionë euro. Bavarezët nuk janë të gatshëm ta ofrojnë atë shumë, pasi tashmë kanë ofruar 80 milionë.
Shanset e transferimit: 3/5
Giovani Lo Celso – Tottenham
Një tjetër marrëveshje që është afër të mbyllet. Mesfushori argjentinas thuhet se është pajtuar me kushtet e ofruar nga Spurs, mirëpo Real Betis kërkon më shumë 70 milionë euro.
Shanset e transferimit: 3/5. /Telegrafi/
