Faqja e specializuar e statistikave dhe transferimeve Transfermarkt ka publikuar formacionin më të vlefshëm në Ligën Premier aktualisht.
Liga Premier ka filluar tashmë sezonin 2022/23, ku shumë klube kanë bërë transferime të mëdha për t’u përforcuar në ndjekjen e objektivave.
Erling Haaland te Manchester City, Darwin Nunez te Liverpooli, Gabriel Jesus te Arsenali, Raheem Sterling te Chelsea, Richarlison te Tottenham Hotspur dhe Lisandro Martinez te Manchester Unitedi janë disa nga transferimet e mëdha.
Megjithatë, vetëm njëri nga ta ka gjetur veten në formacionin më të vlefshëm aktual në Ligën Premier, të publikuar nga faqja e specializuar e transferimeve dhe statistikave Transfermarkt.
Në këtë formacion, i vetmi transferim i verës është Haaland, i cili ka një vlerë prej 150 milionë eurosh dhe udhëheq sulmin, së bashku me Mohamed Salah (96 milionë euro) në të djathtë dhe Jadon Sancho (80 milionë euro) në të majtë.
Në mesfushë, kanë zënë vend dy yjet e Cityt, Kevin de Bruyne me çmim 91 milionë euro dhe Phil Foden me 96 milionë euro, si dhe Declan Rice, i cili vlerësohet 85 milionë euro.
Mbrojtja formohet nga treshja e Liverpooli: Trent Alexander-Arnold (85 milionë euro), Virgil Van Dijk (59 milionë euro) dhe Andy Robertson (69 milionë euro), ndërsa i katërti është kapiteni i Cityt, Ruben Dias me vlerë 80 milionë euro.
Portieri më i vlefshëm aktualisht në Ligën Premier është braziliani i Reds, Alisson Becker, i cili vlerësohet 53 milionë euro.
Formacioni më i vlefshëm i Ligës Premier sipas Transfermarkt:
/Telegrafi/