Cilido klub në botë ëndërron ta ketë në skuadër Lionel Messin, mirëpo është i vogël numri i tyre që mund ta përballojnë financiarisht argjentinasin.
Superylli i futbollit i ka kërkuar Barcelonës që t’ia ndërpresë kontratën, e cila skadon në verën e vitit 2021. 33-vjeçari ka pasur një klauzolë të posaçme në kontratën e tij, e cila ia lejonte largimin në fund të cdo sezoni, mirëpo data valide e saj thuhet të ketë qenë deri më 10 qershor.
Kjo do të thotë se vjen në radhë klauzola me para e Messit, e cila është 700 milionë euro për prishjen e kontratës.
Mirëpo, kur kihet parasysh mosha e argjentinasit dhe lidhja afatshkurtër me Barcën (vetëm edhe një vit) dhe natyrisht gjithçka që ka bërë për atë klub, është e pritshme që Blaugranët të kërkojnë një çmim të arsyeshëm për shitjen e tij.
Diçka e ngjashme me atë që bëri Florentino Perez në vitin 2018 kur e lejoi Cristiano Ronaldon të largohej nga Real Madridi drejt Juventusit.
Në bazë të kësaj, çmimi i Messit pritet të varirojë ndërmjet 100 dhe 150 milionë euro. Por, paga e tij e majme, e ngushton listën e klubeve që mund ta transferojnë.
Interi, Manchester City dhe Paris Saint-Germaini janë tri klubet favorite për transferimin e argjentinasit – shkruan Marca. Fuqinë financiare për nënshkrimin e tij e kanë edhe Manchester Unitedi, Chelsea, Juventusi dhe Liverpooli.
Në bazë të një parashikimi, gjasat janë më të mëdha që Messi të vazhdojë me Barcelonën, porse në rast të largimit favorizohet skuadra e Pep Guardiolas, në vend të dytë është PSG dhe në vend të tretë Interi.
Pasojnë, Unitedi, Chelsea, Juve dhe Liverpooli. Në listën e gjasave ndodhen edhe klubet amerikane dhe kineze, si edhe klubi i fëmijërisë, Newell’s Old Boys. /Telegrafi/
Ku qëndron e ardhmja e Lionel Messit dhe cili do të ishte vendimi më i mirë? Shprehuni në hapësirën për komente.