Portali i njohur britanik Goal.com ka përpiluar formacionin më të mirë të sezonit 2017/18 në ligat kryesore evropiane.
Kampionati anglez, Liga Premier, ai gjerman, Bundesliga kanë përfunduar sezonin, ku tanimë dihen skuadrat që do të luajnë në Evropë dhe ato që kanë rënë nga katergoria.
Në anën tjetër, kampioni spanjoll, La Liga, ai italian, Serie A dhe francez Ligue 1 ende kanë edhe nga një gjiro për të përfunduar sezonin 2017/18.
Megjithatë, portali i njohur Goal.com ka përpiluar formacionin më të mirë të sezonin në pesë ligat kryesore.
La Liga është kampionati me më së shumti futbollistë, ku plot gjashtë lojtarët zënë vend aty, ndërsa ndiqen nga Liga Premier me tre përfaqësues.
Serie A dhe Bundesliga kanë nga një futbollist, me Milan Skriniarin e Interit dhe Joshua Kimmichin e Bayernit, ndërsa Ligue 1 nuk ka asnjë përfaqësues.
Në këtë formacionin më të mirë nuk mungojnë emra të mëdhenj që kanë shkëlqyer ndër vite si Lionel Messi dhe Cristiano Ronaldo, ndërsa aty gjendet edhe sensacioni i këtij sezoni Mohamed Salah.
Vendin e zënë edhe Harry Kane, Diego Godin, Toni Kross, Jordi Alba, Jan Oblak dhe Kevin de Bruyne, ndërsa në poshtë Telegrafi ua sjell formacionin më të mirë të sezonit 2017/18 në pesë ligat më të mëdha evropiane. /Telegrafi/
Formacioni më i mirë i 2017/18
