Portali i njohur britanik ‘Goal.com’ ka publikuar një formacion të kombinuar të dy skuadrave të mëdha nga qyteti i Mançesterit, Unitedit dhe Cityt.
Manchester City është nikoqir i Unitedit në ndeshjen e vlefshme për javën e 33-të të Ligës Premier.
Ky takim është i paraparë të zhvillohet nesër (e shtunë) në Etihad Stadium nga ora 18:30.
Për skuadrën e Pep Guardiolas kjo është ndeshje kruciale pasi në rast fitore siguron edhe matematikisht titullin kampion për këtë sezon.
Në anën tjetër, edhe skuadra e Jose Mourinhos e sheh si shumë të rëndësishëm këtë ndeshje, për të mos lëshuar terren në ‘top 4’.
Megjithatë, favoriti kryesor padyshim se është ekipi vendas i Qytetarëve, pasi forma e tyre në kampionat është shumë e lartë.
Portali i njohur ‘Goal.com’ ka publikuar një formacion të kombinuar të dy skuadrave nga Mançesteri, ku formacioni dominohet nga futbollistët e Cityt.
Në këtë formacion, City përfaqësohet me plot nëntë futbollistë, ndërsa nga Unitedi gjenden vetëm portieri David De Gea dhe mbrojtësi Ashley Young. /Telegrafi/
Formacioni i kombinuar i skuadrave nga Mançesteri:
