Kanë dalë emrat e parë që parashihen si finalistë për “Topin e Artë”, ku ylli i Real Madridit, Cristiano Ronaldo mbetet favorit kryesor për ta fituar.
Pa përfunduar ende mirë sezoni 2016/17 kanë filluar të dalin në pah emrat e mundshëm që mund të jenë finalistë apo edhe ta fitojnë “Topin e Artë”.
Sipas portalit të njohur “Fichajes”, ylli portugez Cristiano Ronaldo mbetet sërish pretendent kryesor për ta fituar trofeun më të madh individual “Topin e Artë 2017”, përcjell Telegrafi.
Sulmuesi i Real Madridit është fitues aktual i këtij çmimi, teksa shihet si favoritë i parë edhe për vitin 2017, pasi edhe Real Madridi është favoritë për ta fituar këtë sezon Ligën e Kampionëve.
Për dallim nga vitet e kaluara, këtë vit befasisht Lionel Messi nuk gjendet në listë, ndërsa pjesë e saj janë dy emra të rinj.
Së bashku me Ronaldon, kandidatë tjerë kryesorë për ta fituar këtë çmim janë: sulmuesi i Atletico Madridit, Antoine Griezmann, ai i Juventusit, Paulo Dybala dhe talenti i Monacos që po çmend të gjithë, Kylian Mbappe. /Telegrafi/
