Ekspertët e të dhënave kanë thyer pikat e forta sulmuese dhe mbrojtëse të secilës prej 16 skuadrave të mbetura në këtë sezon të Ligës së Kampionëve për të na dhënë emrin e fituesit më të mundshëm të trofeut këtë sezon.
Faza e grupeve nuk ishte pa dramë pasi klubi të mëdha si Manchester Unitedi dhe Interi u eliminuan, ndërsa 13 herë fituesit e trofeut, Real Madridi, siguroi kalimin vetëm në ndeshjen e tyre të fundit në grup.
Por, faza e nxehtë vjen në fazat e eliminimit direkt në 2021 – dhe ekspertët e statistikave në FiveThirtyEight.com kanë shtypur numrat për të prodhuar një model që tregon shanset e secilit klub për të fituar. Rezultatet janë një befasi.
Ndërsa kampionët në fuqi Bayern Munich janë favoritët e ‘bastoreve’ për të mbrojtur titullin, FiveThirtyEight i kanë vendosur ata të dytët me një mundësi prej 17 për qind për të ngritur trofeun.
Në vendin e parë, me një mundësi prej 24 për qind për të fituar trofeun është Manchester City. Deri më tani City nuk ka bindur në Evropë duke pasur parasysh talentin dhe buxhetin e tyre, duke dalë nga turneu në fazën çerekfinale për herë të tretë radhazi sezonin e kaluar.
Sidoqoftë ata padyshim që kanë lojtarë cilësorë dhe një menaxher si Pep Guardiola, i cili e ka fituar këtë trofe dy herë.
Liverpoolit i është dhënë një shans prej vetëm 7 për qind për të fituar përsëri trofeun që ata ngritën për herë të fundit në vitin 2019, ndërsa kaq shanse kanë edhe Chelsea dhe Paris Saint-Germain.
Çuditërisht, Barcelona ka shanse prej 10 për qind për të fituar trofeun, qështu që Lionel Messi dhe shokët e tij do të kenë nevojë për një Krishtlindje shumë të lumtur për ta kthyer formën e tyre dhe për të bërë ato shanse të duket realiste.
Real Madridi ka mundësi prej 6 për qind për sukses, ndërsa Juventus është vetëm i 10-ti nga 16 klube me shanse prej 3 për qind.
Shikoni tabelën e plotë më poshtë dhe mësoni se si FiveThirtyEight prodhuan modelin e tyre të detajuar statistikor.
16.Lazio: nën 1%
15.FC Porto: nën 1%
14.Borussia Monchengladbach: nën 1%
13.Sevilla: 1%
12.Atalanta: 1%
11.RB Leipzig: 3%
10.Juventus: 3%
9.Atletico Madrid: 5%
8.Real Madrid: 6%
7.Borussia Dortmund: 6%
6.PSG: 7%
5.Chelsea: 7%
4.Liverpool: 7%
3.Barcelona: 10%
2.Bayern Munich: 17%
1.Manchester City: 24%
/Telegrafi/