‘Mallkimi i Drake’ është larguar zyrtarisht, me të dhënat që sugjerojnë se reperi kanadez nuk është më në listën e personave që sjell fat të keq kur realizohet një fotografi me ndonjë lojtar.
Vitet e fundit, katër herë fituesi i çmimit Grammy është bërë një sensacion në rrjetet sociale për një arsye sa qesharake, aq edhe të çuditshme dhe përfundoi duke u fajësuar për rezultatet në një mori sportesh të ndryshme.
E thënë thjesht, u shfaq një trend ku Drake do të pozonte me një sportist dhe më pas ata do të humbnin pothuajse patjetër ndeshjen e tyre të radhës.
Drake u fotografua me Conor McGregor para luftës së tij për titullin e peshës së lehtë UFC 229 me Khabib Nurmagomedov dhe irlandezin u mposht.
Serena Williams, një nga tenistet më të mëdha të të gjitha kohërave, humbi nga Roberta Vincin në gjysmëfinalen e hapur të SHBA-së – ndërsa ‘Drizzy’ u fotografua gjithashtu me Anthony Joshua para se të pësonte një humbje shokuese për titullin botëror në peshën e rëndë nga Andy Ruiz Jr në New York në qershor 2019.
Jadon Sancho dhe Pierre-Emerick Aubameyang janë prekur të dy nga ‘mallkimi’, ndërsa Drake u përmend gjithashtu si faktori kryesor në humbjen e Alabama nga Clemson në futbollin e kolegjit dhe humbjet e Golden State Warriors.
Por, informacionet e reja nga OLBG kanë treguar se yjet e futbollit kryesisht bekohen sesa mallkohen nga një fotografi me reperin.
Komuniteti i basteve sportive ka arritur në përfundimin se mallkimi nuk është i vërtetë pasi vetëm 31 për qind e lojtarëve humbasin ndeshjen e tyre të radhës pas takimit me Drake – me 69 për qind që shijojnë fitoren.
Ata shikuan 13 lojtarë në total nga një sërë klubesh dhe ligash. Në prill të vitit 2012, Didier Drogba dhe Frank Lampard u takuan me Drake ditë të ndryshme në raste të ndara, por të dy fituan ndeshjet e tyre të radhës në Chelsea kundër Benficas dhe Wiganit përkatësisht.
Mario Balotelli, Marcelo, Layvin Kurzawa dhe Wilfried Zaha ishin katër lojtarët që shijuan të gjithë humbjen pasi u takuan me të.
Të tillë si Neymar, Paul Pogba, Daniel Sturridge dhe Sergio Aguero fituan të gjithë ashtu si edhe bashkatdhetari i Drake, Alphonso Davies, që ëahtë më i fundit në listë në tetorin e vitit të kaluar.
Këtu është lista e plotë:
Didier Drogba – Prill 2012 – Chelsea – fitore 2-1 kundër Benfica
Frank Lampard – Prill 2012 – Chelsea – fitore 2-1 kundër Wigan
Mario Balotelli – Prill 2012 – Man City – Humbje 1-0 kundër Arsenalit
Marcelo – Shtator 2014 – Real Madrid – Humbje 2-1 kundër Atletico Madrid
Neymar – Shtator 2014 – Barcelona – Fitorja 2-0 kundër Athletic Bilbao
Paul Pogba – Gusht 2016 – Man United – fitore 2-1 kundër Leicester City
Daniel Sturridge – Shkurt 2017 – Fitorja 2-0 kundër Spurs
Sergio Aguero – Mars 2019 – Fitorja 3-2 kundër Swansea
Pierre-Emerick Aubameyang – Prill 2019 – Arsenal – Fitorja 2-0 kundër Napolit
Layvin Kurzawa – Prill 2019 – PSG – Humbje 5-1 kundër Lille
Wilfried Zaha – Prill 2019 – Crystal Palace – Humbje 3-1 ndaj Man City
Jadon Sancho – Qershor 2020 – Borussia Dortmund – Fitorja 1-0 kundër Fortuna Dusseldorf
Alphonso Davies – Tetor 2021 – Bayern Munich – Fitorja 5-1 kundër Bayer Leverkusen. /Telegrafi/