Gjashtë lojtarë të Manchester Cityt janë bërë pjesë të formacionit më të mirë të vitit 2023, teksa Lionel Messi është përfshirë për herë të 17-të në karrierë.
36-vjeçari në fakt është pjesë e 11-të më të mirëve që nga koha kur luante me yjet si Ronaldinho, Eto’o, Henry në vitin 2006.
John Stones, Kyle Walker, Bernardo Silva, Jude Bellingham dhe Vinicius Junior janë bërë pjesë e këtij formacioni për herë të parë.
Formacioni i këtij viti u monopolizua nga Manchester City, teksa përveç lojtarëve që përmendëm më lartë aty u përfshinë edhe Ruben Dias, Kevin De Bruyne dhe Erling Haaland.
Thibaut Courtois tashmë për herë të dytë radhazi mes dy shtyllave, ndërsa Kylian Mbappe kompletoi përfshirjen e tij në formacion për herë të katërt.
Përzgjedhja e këtij formacioni u bë falë votave nga 28 mijë futbollist profesionist nga 69 shtete të ndryshme.
FIFA u dha akses lojtarëve përmes një platforme unike dhe digjitale për të votuar për çdo pozitë.
Formacioni i plotë: Courtois, Stones, Walker, Dias, Silva, Bellingham, De Bruyne, Haaland, Mbappe, Messi, Vinicius./Telegrafi/
🚨 Introducing the 2023 FIFA FIFPRO Men's #World11, voted for exclusively by players.#TheBest | @FIFAWorldCup | @FIFAcom pic.twitter.com/nZjisXo8OQ
— FIFPRO (@FIFPRO) January 15, 2024