Tensionet midis Ukrainës dhe Rusisë u përshkallëzuan pasi forcat ruse pushtuan Ukrainën nga tre anët, ndërsa pati shpërthime në disa qytete, duke përfshirë kryeqytetin ukrainas, Kievin, në një sulm të gjerë që filloi para agimit të së enjtes.
Perëndimi dënoi presidentin rus Vladimir Putin për këtë pushtim dhe i vendosi sanksione të ashpra duke e paralajmëruar edhe për më shumë dënime.
Çfarë ndodhi brenda natës
Ekipet e CNN dëgjuan shpërthime në dhe afër qyteteve të shumta të Ukrainës, duke përfshirë Kievin, qytetin e dytë më të madh Kharkiv, Odessa, dhe të shtëna në distancë nga Zaporizhzhia.
Imazhet e publikuara nga zyra e presidentit ukrainas, Volodymyr Zelensky treguan shpërthime të mëdha në lindje të kryeqytetit Kiev me “re të mëdha tymi që ngriheshin në ajër”.
Zyrtarët ukrainas thanë se më shumë se 40 ushtarë dhe rreth 10 civilë ishin vrarë që nga fillimi i pushtimit rus të Ukrainës, transmeton Telegrafi.
Protestat shpërthejnë në Rusi
Pushkin Square, maybe less than 1000 meters from Red Square and the Kremlin, is the cite of a significant protest. These people know the risks of challenging the regime. They’re on the street in-spite of major personal costs. pic.twitter.com/bYEfbO91xG
— Alexander S. Vindman ❎ (@AVindman) February 24, 2022
Policia ruse po u kërkonte protestuesve të largoheshin nga Sheshi Pushkinskaya në Moskë. Duke shprehur mos dëgjueshmërinë, qindra protestuese janë arrestuar nga policia.
Disa mbanin pankarta me mesazhe, duke përfshirë kundërshtimin e agresionit rus në Ukrainë. Autoritetet ruse të enjten paralajmëruan qytetarët se pjesëmarrja në protestat kundër luftës mund të dërgojë në ndjekje dhe akuza penale.
Të paktën 1675 persona janë arrestuar sot në protestat kundër luftës në të gjithë Rusinë, me të paktën 919 prej tyre në Moskë, sipas grupit të pavarur të monitorimit OVD-Info.
Forcat ruse morën kontrollin e një baze ajrore ukrainase pranë Kievit dhe centralit bërthamor të Çernobilit
Forcat ruse kanë marrë kontrollin e termocentralit të Çernobilit në Ukrainën veriore, vendi i fatkeqësisë më të madhe bërthamore në botë, sipas agjencisë që menaxhon zonën.
Trupat pushtuan fabrikën në ditën e parë të pushtimit të shumëfishtë të Ukrainës nga Rusia, tha për CNN një zëdhënës i një Agjencie Shtetërore të Ukrainës, Yevgeniya Kuznetsovа.
Trupat ajrore ruse kanë marrë kontrollin e aeroportit Antonov, i cili është rreth 25 milje larg nga qendra e Kievit, Ukrainë, raportoi të enjten Matthew Chance i CNN. “Trupat me helikopterë u ulën në orët e hershme të mëngjesit për të krijuar dhe kryer një urë ajrore për të lejuar hyrjen e më shumë trupave”, tha ai.
Mariupol – Shtatë shtëpi morën zjarr si rezultat i bombardimeve, ndërsa forcat ruse u zhvendosën në qytet me tanke dhe nga Deti i Zi.
Odessa – Shpërthime u raportuan të enjten në mëngjes që u dogjën depove. Të paktën gjashtë u vranë dhe shtatë të tjerë u plagosën pas një sulmi me bomba në qytetin e Podolsk. Gati 20 u raportuan të zhdukur.
SHBA dhe Mbretëria e Bashkuar i vendosin sanksione Rusisë
U.K. Prime Minister compares Putin’s aggression in Ukraine to that of Milosevic’s in Kosova in 1998/99.
If any comparison is to be drawn between Kosova and the Ukraine, this is the only context it’s possible for it to be accurate.
(With sound this time) pic.twitter.com/1KjiptPH34
— Endrita (@endritax) February 24, 2022
Presidenti i SHBA-së, Joe Biden tha të enjten se sanksionet e reja të shpallura kundër Rusisë për pushtimin e saj në Ukrainë do të kërkojnë pak kohë që të ndjehen ndikimet e tyre të plota nga Rusia dhe ekonomia e saj.
Presidenti tha gjithashtu se sanksionet janë një mesazh ndaj presidentit rus, Vladimir Putini. “Nëse ne nuk lëvizim kundër tij tani me këto sanksione të rëndësishme, ai do të inkurajohet”, tha Biden.
Duke e krahasuar agresionin e Putinit në Ukrainë me atë të Millosheviqit në Kosovë, kryeministri i Mbretërisë së Bashkuar, Boris Johnson ka vendosur të sanksionojë 100 persona dhe subjekte si pjesë e ndëshkimeve të mëtejshme kundër Rusisë.
Në një fjalim në parlamentin e Mbretërisë së Bashkuar, kryeministri tha se Mbretëria e Bashkuar po shpall “paketën më të madhe dhe më të ashpër të sanksioneve që Rusia ka parë ndonjëherë”.
Udhëheqësit botërorë konsiderojnë veprime shtesë
Presidenti i SHBA Joe Biden thotë se ai ra dakord me liderët e tjerë të G7 “për të ecur përpara në paketat shkatërruese të sanksioneve dhe masave të tjera ekonomike për të kërkuar llogari nga Rusia”.
Udhëheqësit e Bashkimit Evropian kanë shqyrtuar atë që disa e quajnë “opsioni bërthamor” i heqjes së Rusisë nga SWIFT, një rrjet i sigurisë së lartë që lidh mijëra institucione financiare në mbarë botën, pas pushtimit të Ukrainës.
Presidenti i SHBA-së, Joe Biden tha të enjten se heqja e Rusisë nga SWIFT nuk është drejtimi në të cilin dëshiron të shkojë pjesa tjetër e Evropës në këtë moment, por vuri në dukje se nxjerrja e kombit nga rrjeti është “gjithmonë një opsion”. /Telegrafi/