Me këtë rast më poshtë keni tetë lojtarët më të njohur që nuk kanë fituar kurrë kampionatet. /Telegrafi/
1. Steven Gerrard
Steven Gerrard ka dështuar të fiton Ligën Premier në 17 sezonet e tij me Liverpoolin. Përkundër kësaj ai vazhdon të jetë një nga lojtarët më të pëlqyer dhe dashur jo vetëm nga Reds, por nga gjithë tifozët e futbollit.
2. Socrates
I njohur si ‘Doktor Socrates’ për shkak të doktoraturës së tij në mjekësi, Socrates është një nga lojtarët më të mirë që është parë të luajë për Përfaqësuesen e Brazilit. Ai ishte pjesë e shumë skuadrave të njohura braziliane, por nuk arriti kurrë të fiton kampionatin.
3. Gary Lineker
I njohur për faktin se nuk është ndëshkuar kurrë me karton të verdhë apo të kuq, Linker edhe pse ishte pjesë e klubeve si Barcelona, Everton, Tottenahm e Leicester, ai kurrë nuk ka arritur të fiton kampionatin me këto skuadra.
4. Stanley Matthews
Sir Stanley Matthews i njohur si lojtari i parë që e ka fituar ‘Topin e Artë’ dhe një nga tre anglezët që e ka arritur të fiton këtë çmim. Ai luajti 697 ndeshje për Stoke Cityn dhe Blackpool, por nuk ka arritur të fiton kurrë kampionatin.
5. Matt Le Tissier
Ai është mesfushori i parë që ka shënuar 100 gola në Ligën Premier, të gjithë këta me Southamptonin, por asnjëherë nuk arriti të shpallet kampion i ligës me The Saints.
6. Robbie Fowler
Robbie Fowler është lojtari me më së shumti gola në Ligën Premier pa fituar asnjëherë kampionatin. Me 163 gola në PL, legjenda e Liverpoolit ka fituar FA Cup, League Cup dhe UEFA Cup, por kurrë kampionatin elitar anglez. Fowler ishte pjesë edhe e Manchester Cityt, Cardiff Cityt, Leeds Unitedit dhe Blackburn Rovers.
7. Antonio Di Natale
Ndryshe nga shumica e sulmuesve, Antonio Di Natale vitet më të mira në karrierën i ka pasur pas moshës 30 vjeçare. Mes 2009 dhe 2011, vetëm Lionel Messi dhe Cristiano Ronaldo kanë pasur me shumë gola se ai. Di Natale ka qenë pjesë e Udineses që nga viti 2004 dhe ka fitua ‘Këpucën e Artë’ të Serie A në 2010 dhe 2011, por kurrë kampionatin italian.
8. Gareth Bale
Gareth Bale është një nga lojtarët më të mirë që ka parë futbolli në vitet e fundit. Sulmuesi nga Uellsi njihet edhe për transferimin e tij të famshëm nga Tottenhami te Real Madridi për rreth 100 milionë euro. Me Los Blancos ka fituar dy herë Ligën e Kampionëve, por 27-vjeçari ende është në kërkim të një kampionati.
