Telegrafi

Tifozët e Real Madridit e votojnë Kanen si zëvendësues të Ronaldos, pas tij vijnë Icardi e Cavani

Cristiano Ronaldo - Harry Kane (Getty Images)

Harry Kane është votuar si zgjedhja e preferuar e tifozëve të Real Madridit për të zëvendësuar Cristiano Ronaldo në Santiago Bernabeu.

Ylli portugez është larguar para disa javësh nga Real Madridi në drejtim të Juventusit për një shifër të raportuar prej 112 milionë eurosh në total.

Që nga largimi i tij drejtuesit e klubit madrilen janë në treg për të gjetur një zëvendësues dhe shumë emra të njohur janë lidhur me Realin.

Lexo po ashtu Neymar, Mbappe - 10 lojtarët që mund ta zëvendësojnë Ronaldon te Reali

Gazeta e madhe spanjolle Marca ka bërë një sondazh me disa sulmues të njohur duke pyetur tifozët se cili duhet të jetë zëvendësues i Ronaldos.

Harry Kane (Getty Images)

Sondazhi i gazetës u votua nga plot 200 mijë tifozë dhe në vend të parë doli sulmuesi anglez i Tottenham Hotspur, Kane, i cili i mori 26 për qind të votave.

Edinson Cavani (Getty Images)

Zgjedhja e dytë dhe e tretë e tifozëve të Mbretërve ishin Edinson Cavani i Paris Saint-Germain dhe Mauro Icardi i Interi, të cilët morën nga 14 për qind të votave.

Mauro Icardi (Getty Images)

Ish-sulmuesi i Realit, tani i Lyonit, Mariano Diaz u votua nga 12 për qind, aq vota sa mori edhe golashënuesi i Bayern Munichut, Robert Lewandowski.

Kylian Mbappe dhe Neymar, të cilët kanë qenë të lidhur me një lëvizje në Madrid, nuk ishin përfshirë fare në anketë. /Telegrafi/