Gjashtë lojtarë të Real Madridit janë zgjedhur nga UEFA në listën e ngushtë për lojtarët më të mirë në çdo pozicion.
Real Madridi që është kampion i Evropës për sezonin e fundit ka edhe lojtarët më favorit për t’i fituar çmimet.
Cristiano Ronaldo, që është edhe top-shënues i Ligës së Kampionëve do të jetë në luftë me dy argjentinas Lionel Messin dhe Paulo Dybalan.
Për mesfushorë konkurrojnë treshja e Realit me Casemiron, Toni Kroosin dhe Luka Modricin.
Për mbrojtës konkurrojnë Marcelo, Sergio Ramos dhe Leonardo Bonucci.
Për portierë në garë janë Gianluigi Buffon, Manuel Neuer dhe Jan Oblak.
Fituesit do të bëhen të ditur me 24 gusht, në shortin për fazën e grupeve.
Të nominuarit janë përzgjedhur nga 32 trajnerë dhe 55 gazetarë të zgjedhur nga European Sports Media (ESM).
Ndërsa për lojtari më të mirë në Ligën e Evropës, janë në garë Zlatan Ibrahimovic, Henrikh Mkhitaryan dhe Paul Pogba. /Telegrafi/