Telegrafi

Superliga Evropiane ‘nuk ka mbaruar’: Florentino Perez dëshiron të padisë UEFA-n

Projekti i Superligës Evropiane thuhet se nuk ka mbaruar dhe presidenti i Real Madridit, Florentino Perez, synon të padisë UEFA-n.

Gara e shkëputur e klubeve evropiane u shpall pikërisht një javë më parë dhe krijoi një tërmet në botën e futbollit.

Projekti dështoi brenda 48 orësh me gjashtë klubet e Ligës Premier që njoftuan tërheqjen e tyre të martën, ndërsa më pas u ndoqëen edhe nga Interi dhe Atletico Madridit.

Lexo po ashtu Zbulohen detaje nga përfitimet në Superligën Evropiane – Barcelona dhe Reali më të paguarat, Juventusi dyfish më shumë se Interi dhe Milani

Megjithatë, sipas mediumit italian Corriere della Sera, historia është larg nga të mbaruarit.

Juventusi, Milani, Real Madridi dhe Barcelona nuk e kanë lënë zyrtarisht garën pasi ata mund të padisin ata që kanë lënë projektin, shpjegon The Financial Times.

Ndërsa Presidenti i UEFA-s, Aleksandar Ceferin këmbëngul që klubet e shkëputura mund të përballen me sanksione, Florentino Perez konsideron të padisë organin drejtues të futbollit evropian.

Florentino beson se UEFA nuk mund të veprojë si organizatorët dhe rregullatorët e garave evropiane dhe thuhet se dëshiron të paraqesë një ankesë anti-trust.

Lexo po ashtu “Të gjithë duhet të marrin pasoja për atë që bënë”, Ceferin refuzon të përjashtojë sanksionet kundër klubeve që themeluan Superligën Evropiane

Ai beson se UEFA ka një monopol dhe po i pengon klubet të krijojnë turne alternative.

Sipas raportit, Kompania Evropiane e Superligës Evropiane me qendër në Madrid nuk është shpërbërë dhe të paktën katër klube janë ende pjesë e tij. /Telegrafi/