Mesfushori francez Moussa Sissoko ia ka parë hairin finales ndaj Portugalisë.
Pasi shkëlqeu në ndeshjen finale me fanellën e Francës, për Sissokon tani ka shumë oferta.
Skuadra e tij Newcastle United ka rënë nga Liga Premier dhe ka pranuar shitjen e tij.
26-vjeçari ende nuk e di të ardhmen e tij, pasi në adresë të klubit anglezë kanë ardhur tetë oferta.
Manchester United, West Ham United dhe WBA janë tri skuadrat angleze që e duan, ndërsa ai kërkohet edhe në Gjermani nga Borussia Dortmund, Schalke 04 dhe Hamburg.
Por sikur mos të mjaftonin këto oferta, ish-anëtari i Toulouse ka marrë oferta nga Roma dhe Juventus.
Tri vite më parë Newcastle e bleu për dy milionë e gjysmë euro, ndërsa sot vlera e tij është rreth 25 milionë. /Telegrafi/