Skuadra e njohur franceze, Monaco këtë vit ka befasuar të gjithë.
Bardh e kuqtë janë lider në Ligue 1, ndërsa synojnë ta eliminojnë Manchester Cityn në Ligën e Kampionëve.
Kjo formë e jashtëzakonshme e Monacos ka ardhur falë edhe talentit Kylian Mbappe.
Vetëm 18-vjeçar dhe Mbappe tani është bërë objektiv i shumë skuadrave të mëdha evropiane.
Roma dhe Milan janë dy ekipet që e duan yllin e ri francez në Serie A.
Ndërkohë në Angli fenomeni francez kërkohet nga Chelsea, Liverpool, Arsenal, Manchester United dhe Manchester City.
Bayern Munich e Borussia Dortmund e dëshirojnë në Gjermani ashtu si Real Madrid, Atletico dhe Barcelona në Spanjë.
Monaco ka pranuar shitjen e lojtarit por i ka vënë një çmim tejet të lartë për tu larguar.
Skuadra nga principata kërkon së paku 60 milionë euro për ta lënë të lirë yllin e saj.
Mbappe këtë edicion në të gjitha garat ka shënuar 12 gola dhe ka dhuruar tetë asistime. /Telegrafi/
