Datat dhe oraret për çerekfinalet e Kupës së Italisë janë konfirmuar tashmë, me Derby della Madonninan mes Milanit dhe Interit që do luhet më 27 dhjetor.
Në Kupën e Italisë tanimë kanë mbetur vetëm edhe tetë skuadra dhe po dihet katër çiftet çerekfinale.
Çerekfinalet po afrojnë dhe me të edhe katër ndeshje interesante që kanë ngjallur interesim të madh tek shikuesit.
Në këto katër çifte çerekfinale ka dy derbi të qytetit, me Milanin dhe Interin përballë tyre dhe Juventusin që mirëpret Torinon.
Derbi mes skuadrave nga Milano i njohur si “Derby della Madonnina” pritet të luhet me datë 27 dhjetor, ndërsa ai i Torinos i njohur si “Derby della Mole” do luhet më 3 janar 2018.
Sot datat dhe oraret e ndeshjeve janë konfirmuar zyrtarisht, me një ndeshje në “Boxing Day” mes Lazios dhe Fiorentinas, ndërsa Napoli dhe Atalanta do luajnë më 2 janar të 2018.
Çiftet, datat dhe ora e çerekfinaleve të Kupës së Italisë
Lazio-Fiorentina, 26 dhjetor (21.00)
Milan-Inter, 27 dhjetor (20.45)
Napoli-Atalanta, 2 janar (20.45)
Juventus-Torino – 3 Janar (20.45)
/Telegrafi/