Juventusi synon Rasmus Hojlund për të zëvendësuar potencialisht Dusan Vlahovic, duke u bashkuar me Arsenalin dhe Real Madridin në garën për sulmuesin e Atalantas.
20-vjeçari ka shënuar gjashtë gola në 19 paraqitje në Serie A këtë sezon, duke gjetur rrjetën në dy ndeshjet e fundit të ligës.
Sipas Il Corriere dello Sport, reprezentuesi danez është objektivi primar i Juventusit për të zëvendësuar Vlahovic në verë, nëse sulmuesi serb largohet nga Torino në fund të sezonit.
Në fillim të kësaj jave, gazeta La Repubblica raportoi se Arsenali dhe Real Madrid po kërkojnë gjithashtu sulmuesin e Atalantas dhe mund të paraqesin një ofertë në fund të sezonit.
Milani gjithashtu është lidhur me një lëvizje për 20-vjeçarin edhe pse çmimi i tij që tejkalon 40 milionë euro mund të jetë i papërballueshëm për kampionët aktual të Serie A.
Hojlund pritet të startojë në San Siro kundër kuqezinjve sot (e diel) mbrëma.
20-vjeçari u transferua në Bergamo nga Strum Graz për 17 milionë euro verën e kaluar duke nënshkruar një kontratë deri në qershor 2027. /Telegrafi/