Site icon Telegrafi

Hidhet shorti në Ligën e Evropës – Eintracht Frankfurt – Inter, ndeshja më interesante

Shkumbin Pireva

Foto: Europa League/Twitter

Tashmë është hedhur shorti i vlefshëm për ndeshjet e 1/8-tës së Ligës së Evropës dhe janë mësuar kundërshtarët.

Në Nyon të Zvicrës, me fillim nga ora 13:00 ka filluar ceremonia e hedhjes së shortit në kuadër të ndeshjeve të Ligës së Evropës.

Kështu, tashmë janë mësuar kundërshtarët për ndeshjet e vlefshme për 1/8-tën e garës së dytë më të mëdha ekipore evropiane.

Si në çdo fazë edhe në këtë do të ketë ndeshje interesante, që do të ngjallin interesim të madh te sportdashësit.

Ndeshja më e fortë e kësaj faze është ajo në mes të Interit dhe gjermanëve të Eintracht Frankfurtit.

Një tjetër ndeshje interesante pritet të jetë ajo në mes të Chelseat e Dynamo Kievit dhe Napolit me RB Salburgun.

Arsenali pritet të ketë punë më të lehtë pasi është shortuar me francezët e Rennes.

Ndeshjet e para të kësaj faze do të zhvillohen më 7 mars, ndërsa ato kthyese një javë më vonë, më 14 mars.

Të gjitha skuadrat synojnë të arrijnë në finalen e madhe në Baku të Azerbajxhanit dhe pse jo edhe ta fitojnë trofeun.

Me poshtë Telegrafi ua sjell të gjitha çiftet e 1/8-tës në Ligën e Evropës:

Chelsea – Dynamo Kiev

Eintracht Frankfurt – Inter

Dinamo Zagreb – Benfica 

Napoli – RB Salzburg

Valencia – Krasnodar

Sevilla – Slavia Praha 

Arsenal – Rennes  

Zenit St. Petersbroug – Villarreal 

/Telegrafi/

Exit mobile version