Portali britanik “Goal.com” ka publikuar formacionin më të mirë të kombinuar për skuadrat e mëdha angleze, Liverpoolin dhe Manchester Unitedin.
Liverpooli dhe Unitedi do ndeshen mes vete në derbin e madh anglez, i cili është i vlefshëm për javën e tetë të Ligës Premier.
Skuadra e Jurgen Kloppit është nikoqire e Djajve të Kuq në derbin më të madh anglez, që pritet të jetë i zjarrtë këtë të shtunë.
Djajtë e Kuq po përjetojnë një super-formë në të këtë fillim sezoni ku prijnë kampionatin së bashku me rivalët e Cityt me nga 19 pikë, ndërsa Redsat kanë formë të luhatshme.
Portali Goal.com ka publikuar një formacion të kombinuar para sfidës së nesërme (e shtunë), formacion i cili dominohet nga lojtarët e Unitedit.
Në këtë formacion, skuadra e Liverpoolit përfaqësohet me dy futbollistë, ndërsa skuadra e Jose Mourinhos ka plot nëntë futbollistë, ku i pari është portieri David De Gea.
Mbrojtja është e tëra e përbërë nga futbollistë të Unitedit, me Antonio Valencia e Ashley Youngin nga krahët dhe Eric Bailly e Phil Jones në qendër.
Mesfusha përbëhet nga Nemanja Matic e Henrikh Mkhitaryan të Unitedit dhe Philippe Coutinho i Liverpoolit.
Ndërsa, sulmi i është besuar Romelu Lukakut, Marcus Rashfordit dhe Mohamed Salahit. /Telegrafi/
Formacioni i kombinuar:
