Kur jemi në përfundim të dekadës, mediat ndërkombëtare kanë filluar të përpilojnë formacionin e dekadës për të gjitha top pesë ligat evropiane.
Sa i përket garave ndërkombëtare në Evropë, La Liga vazhdon të jetë mbreti i kësaj dekade që po e lëmë pas.
Liga Premier në këto vite ka pasur ngritje dhe rënie, por që gjithmonë kanë rivalizuar atë spanjolle.
Formacioni i dekadës në ligën angleze sipas mediumit francez përbëhet nga:
Në portë është portieri i Manchester United, David de Gea, derisa në mbrojtje gjenden katërshja, Cesar Azpilicuesta (Chelsea), Virgil van Dijk (Liverpool), Vincent Kompany e Pablo Zabaleta nga Manchester City.
Mesfusha përbëhet nga dy anëtarët e Citizens, David Silva e Yaya Toure, së bashku me anëtarin tjetër të The Blues, N’Golo Kante.
Në sulm përsëri është në dyshe e Cityt, Sergio e Aguero e Raheem Sterling, të ndihmuar nga Eden Hazard i skuadrës londineze.
Formacioni i dekadës në La Liga:
Në portë gjendet portieri i Atletico Madridit, Jan Oblak.
Në mbrojtje janë Marcelo e Sergio Ramos nga Real Madridi me Gerard Piquen dhe Dani Alvesin e Barcelonës.
Mesfusha përbëhet nga Andres Iniesta (Barcelona), Luka Modric (Real Madrid) dhe Xavi Hernandez (Barcelona).
Treshja sulmues udhëhiqet nga, Lionel Messi (Barcelona), Cristiano Ronaldo (Real Madrid) dhe Antoine Griezmann (Atletico Madrid/Barcelona).
Por, L’Equipe ka pyetur se kush do ta fitonte këtë përballje? /Telegrafi/
🏴 L'équipe de la décennie en Premier Leagie 🆚 l'équipe de la décennie en Liga 🇪🇸
Laquelle est meilleure ? 🤔 pic.twitter.com/qmWjMTLvJq
— Goal France 🇫🇷 (@GoalFrance) December 30, 2019