Manchester City është klubi më i vlefshëm në Evropë, sipas një studimi të “Football Benchmark”, i cili i vlerëson kampionat anglez në rreth 4.1 miliardë euro, duke lënë pas Real Madridin dhe Manchester Unitedin.
Ajo që bie në sy është fakti se në top-10 janë gjashtë klube angleze.
Manchester City, i rikonfirmuar kampion në Ligën Premier, u ngjit në fron për herë të parë që nga viti 2016, kur u publikua lista e parë, duke rrëzuar Real Madridin nga pozita e parë, që ishte “mbret” në katër vitet e fundit.
Klubi mbretëror, gjithsesi, është shumë afër Man Cityt sa i përket vlerës, i dyti me mbi 4 miliardë.
“Football Benchmark” merr në konsideratë për këtë studim 50 klubet evropiane me më shumë të ardhura operative dhe ato që zënë 50 vendet e para në renditjen e UEFA-s.
Nëse një klub nuk i plotëson këto kritere, merren në konsideratë 30 më të parat që ndiqen më shumë në rrjetet sociale: Twitter, Instagram, YouTube, TikTok dhe Weibo që nga 1 janari.
Kriteret e vlerësimit janë këto: Fitimi, popullariteti, potenciali sportiv, të drejtat e transmetimit dhe pronësia e stadiumit.
Man City ka kapërcyer pesë vende nga viti i kaluar, duke u ngjitur në majë si rezultat i të ardhurave rekord dhe potencialit më të madh sportiv.
Liverpool, Bayern Munich, Barcelona, Chelsea, PSG, Tottenham dhe Arsenal janë klubet që plotësojnë top 10-shin. /Telegrafi/
In a notable first, every club in the top 10 has an EV above EUR 2 billion, showcasing the industry's overall growth. 💰📈 This is a significant increase from 2016 when only four clubs exceeded this threshold. #FootballIndustryGrowth #ClubValuations pic.twitter.com/6fzVikHQbE
— Football Benchmark (@Football_BM) June 8, 2023